یالوارما - شبنامه های دل
X
تبلیغات
زولا

یالوارما  چاپ

تاریخ : چهارشنبه 2 اردیبهشت 1394 در ساعت 14:47

داره یالوارما...

کونول،وفاسیز اولان نازلی یاره یالوارما
نه اعتیبار اونا،بی اعتیباره یالوارما!


داریخما،یاخشی-یامان روزگاریمیز گئچه جک
بو بئش گون عمره گؤره روزگارا یالوارما!

سنین ده بیر گون اولار نوبهارین،ائی بولبول
بو ذوق سوز،بو صفاسیز بهاره یالوارما!

فقیره،عاجیزه،مظلومه احترام ائیله
عدویه،قان ایچنه،ظولمکاره یالوارما!

وطن یولوندا ئولوم مرد اوچون سعادت دیر
حیات اوچون فله یئ -کج مداره یالوارما!

مخالف اهلینه باش ایمه،سن ده منصور اول!
«ان الحق» اوسته چکیلسنده داره،یالوارما!

نه اولدو دولتی جمشید،مؤلکی _ اسکندر؟
نه تاجداره نه بیر شهریاره، یالوارما!

اگر حیاتینی،واحید،خوش ائتمک ایسترسن
نه گول جفاسینی چک،نه ده خاره یالوارما!

"علی آقا واحد" 

منبع:(1)

نظرات (0)
امکان ثبت نظر جدید برای این مطلب وجود ندارد.